ДЭЛ УУЛЫН ХАДНЫ ЗУРГААР БҮЖГЭН ЖҮЖГИЙН ХОЁР ЦОМНОЛ БИЧИЖ НЭГИЙГ НЬ МОНГОЛЫН УРЛАГИЙН ТАЙЗАН ДЭЭР ТАВЬСАН ШИНЖЛЭХ УХААНЫ ГАВЬЯАТ ЗҮТГЭЛТЭН, ДОКТОР, ПРОФЕССОР, СЭНДЭНЖАВЫН ДУЛАМ ДӨНГӨЖ САЯ "АРДЫН БАГШ" ЦОЛ ХҮРТЛЭЭ.

Дунд л говийн Өлзийт сумын Дэл уулан дахь судлаачдаас өөр хэн ч мэддэггүй байсан "Бүжиглэж буй 32 хүнт" хэмээх Хадны зургийг амь оруулан урлагийн алтан тайзан дээр гаргаж ирсэн хүмүүсийн гавьяаг Янжинлхам бурхан ивээн Монголын төр үнэлэн шагнал урамшил хайрласаар байгаагийн нэг нь энэхүү шагнал байлаа.
Урьд нь уг бүжгэн жүжгийг дэглэсэн Д.Энхгэрэл Соёлын гавьяат зүтгэлтэн цол,зураачаар ажилласан СУИС-ийн багш "Алтангадас одон"-гоор, хөгжмийн зохиолч Ариунболд нь “Алтан намар” хөгжмийн наадмын тэргүүн шагнал тус тус хүртэцгээсэн. Ариунболдын оролцон тоглодог “Хөсөгтөн” хамтлаг “Авьяаслаг Азичууд” шоунд амжилттай оролцож байсныг бид мэднэ. Шагнал урамшил хүртсэн өөр хүмүүс ч бий, цаашид ч үргэлжилнэ гэдэгт огт эргэлзэхгүй байгаа.
Дэл уулын минь буян хишиг, ивээл хайр цаашид олон олон хүмүүст нэр алдар, шагнал урамшил, аз жаргал хүртээх болтугай.
Монгол соёлыг түгээх, сургах, сурталчлах буянтай сайхан ажилд олон жил зүтгэсэн Сэндэнжавын Дулам 

Танд аз жаргалын дээдийг хүсье.

Дулам доктортой хоёр хоногийн өмнө СГЗ, профессор Г.Гонгоржав гуайн “Чулууны хээ-2” үзэсгэлэнгийн нээлт дээр тааралдахад тэр “Танай нутгийн хадны зургаас сэдэвлэсэн бүтээл надад их ээлтэй байгаа, 2018 онд заавал Дэл ууланд очиж хүндэтгэл үзүүлнэ, хамт явна шүү” гэж байв.
Бидний энэ яриаг сонсож байсан мэргэжил нэгт анд Нямын Цэнд бид хоёрын зургийг авч надруу явуулсан юм.
Баярлалаа Цэнддээ.
2017-12-29
Дэл уулын Бичээчийн Батмөнх