ДЭЛ УУЛАНД ОЧСОН ЭРДЭМТЭН АКАДЕМИЧ БОЛОВ.

ШУА-аас хоёр жил тутам зохион байгуулдаг академичийн сонгуульд энэ онд 11 эрдэмтэн нэр дэвшснээс Д.Цэвээндорж, А.Бакей, Д.Сангаа нар сонгогдсон байна.

Түүх, Археологийн хүрээлэнгийн Археологийн төвийн эрхлэгч, доктор профессор Д.Цэвээндорж нь 1966-1972 онд ШУА-иас М.В.Ломоносовын нэрэмжит Москвагийн Улсын Их сургуульд археологич мэргэжлээр суралцаж, төгссөнөөс хойш ШУА-ийн Түүхийн хүрээлэн, Археологийн хүрээлэн, Түүх, Археологийн хүрээлэнд тасралтгүй 45 жил мэргэжлээрээ ажиллажээ.

Д.Цэвээндорж гуай "Сэмүүн" студийн хийж буй "Дэл Хөнжилийн эрдэнэс" хэмээх Дэл уулын хадны зургийн тухай баримтат кинонд зөвлөхөөр ажиллан 2016 онд Дэл ууланд очсон юм.
Бичээчийн Батмөнх.
2017-02-24