ОДОНГОО ЗҮҮЦГЭЭ ЭХЧҮҮДЭЭ

Цагаан сараар "Алдарт эх"-ийн одонгоо зүүцгээ эхчүүдээ.

Хүмүүсийн энгэрт байгаа одонгуудаас хамгийн их хайр хүргэдэг одон бол "Алдарт эх"-ийн одон.
Хууучин 8, одоо 6 хүүхэд төрүүлсэн эх НЭГДҮГЭЭР ЗЭРГИЙН, хуучин 5, одоо 4 хүүхэд төрүүлсэн бол ХОЁРДУГААР ЗЭРГИЙН ОДОН зүүдэг.
Энэ хоёр одонг хоёуланг зүүсэн алдарт эх хүн бол юун Хөдөлмөрийн баатар, юун Ардын жүжигчин.
Нэгийг зүүсэн эх бол юун Гавьяат, юун Сүхбаатарын одон.
Ганц тооцоо гаргая.
8 хүүхэд төрүүлсэн эмэгтэй бүтэн 6 жил хэвлийдээ хүн тээж явдаг. /8хүүхэд*9сар=72сар буюу 6 жил/
Наймын найман хүнийг 6 жил тээж гаргаад, 3 нас хүртэл хүүхдээ хөхүүлнэ гэвэл 24 жил хүүхэд хөхүүлнэ.
6 жил дээр 24 жилийг нэмээд 30 жил 8 хүүхэд нь эхийгээ гадна болоод дотороос нь хөхдөг.

Хоёрхон жишээ тоогоор гаргахад ийм.
Найман хүүхэд өсгөхөд цаана нь өчнөөн ажил байгааг тооцоод үзвэл мундаг мундаг тоо гарна.
Иймээс алдарт эхийн одонтой эхчүүд энэ ертөнцийн агуу хүмүүс. Одонгүй байсан ч хүүхэд төрүүлсэн эх хүн болгон агуу хүмүүс.

ХҮСЭЛТ:
Цагаан сараар одонгоо зүүцгээ ээжүүдээ. Та агуу харагдана.
Цагаан сараар ээжийнхээ одонг зүүлгэцгээ хүүхдүүд нь. Ээж чинь агуу харагдана.
Одонтой эхчүүдийг харсан хүн бүр хүндэлдэг.
Одонтой эхчүүд онцгой гоё харагддаг.

Бас нэг хүсэлт: Одон зүүтлээ хүүхэд гаргацгаа залуу эхчүүдээ, эх болох бүсгүйчүүдээ.
Бичээчийн Батмөнх.