ШАГНАЛ ХҮНЭЭ ОЛЖЭЭ
Монголын зохиолчдын сонгодог жишээ Монголын төлөө оюунаа нэрж яваа Лхагвасүрэн гуай, 
Монголд малчин хүн ямар байхын болон хөдөөний ухаалаг цөлх хөх өвөгчүүлийн сонгодог загвар болсон алдарт малчин Сампил гуай, 
Монгол хүн урлагийн төлөө зүрх сэтгэлээрээ яаж зүтгэдгийн сонгодог жишээ Монголын рок попын загалмайлсан эцэг гэгдэх Ухнаа гуай, 
Монгол хүн хувийн хэвшилд юу хийж болдгийн сонгодог жишээ Гацууртын Чинбат, 
Хэлж ирдэггүй хийсч ирдэг хордлогоос олон зуун хүний амь аварсан алдарт эмч "хордлогын" Юндэн,
Дэглэсэн бүжиг нь Монголын өнөөдрийн бүжгийн урлагт яах аргагүй сонгодог загвар нь болж чадсан, алдарт Сэвжидээс хойш төрөөгүй бүжиг дэглээч хэмээн урлагийнханд нэгэн дуугаар хүлээн зөвшөөрөгдсөн бүжиг дэглээч, хөөмийч, бүжигчин Даваасүрэнгийн Баярбаатар,
Монголын телевизийн салбарт шууд ярилцлагыг хэрхэн хийдгийн сонгодог жишээ болж буй сэтгүүлч Мөнхтөр,
Идэрхэн хэдэн залуу жүжигчид дундаа оргил нь болж од мэт гялалзаж яваа жүжигчин Золбоот нар төрийн хишиг хүртлээ.
Өнөөдөр энэ сайхан хүмүүсийг будаг нь ханхалсан одон тэмдэгээ дөнгөж зүүгээд гарч ирэхэд нь заримд баяр хүргэж, заримынх нь зургийг авч, заримынх нь салхин доогуур гарах завшаан тохиов.
Хойтон жил би сайн явахнээ.
Үүнийг уншсан та ч гэсэн сайн явахнээ.
Бичээчийн Батмөнх.
2017-02-24