13 НАСТАЙ ОХИН БҮРГЭДИЙН ДЭГДЭЭХЭЙ 

ҮҮРНЭЭС НЬ АВСАН ТУХАЙ

Баян-Өлгийн 10 жилийн дунд сургуулийн 11-р ангийн /2017 онд/ сурагч Айшолпаны амьдралаар хэдэн жилийн өмнө хийсэн "The Eagle Huntress" баримтат кино нь АНУ-ын 100 гаруй хотод гарч дэлхийн 18 удаагийн кино фестивальд оролцон 9 удаа шагнал хүртээд байгаа тухай хэд хоногийн өмнө пост бичсэн. 

Айшолпан охин хэдхэн хоногийн өмнө Ази болон дэлхийн ирээдүйд өөрчлөлт оруулсан нөлөө бүхий хүмүүст олгодог “Asia Game Changer Awards-2017” шагналыг АНУ-ын Нью-Йоркт очиж гардаж авсан.

Тэнгэрт элэн хальж байдаг бүргэд хэмээх сүрлэг том шувууг сургаж гаршуулан ан хийлгэх нь эмэгтэй хүнд тэр тусмаа 13 настай хүүхдэд ахдахын дээдээр ахадсан ажил юм гэдгийг "The Eagle Huntress" кинонаас үзэж болно. Энэ кино үзээд энэ хүүхдээр үнэхээр бахархсан шүү. 

Кинонд сонирхолтой, хачирхалтай, бахархалтай олон юм гардаг. Ганцыг сонирхууулья. Бусдыг та бүхэн киноноос нь үзээрэй. Бүргэдчин хүн өөрийн сургах бүргэдээ дэгдээхэй байхад нь заавал өөрөө /өөрийн биеэр шүү/ үүрнээс нь очиж авах ёстой юм байна.

Айшолпаныг 13 настай байхад нь эцэг нь 10 гаруй метр өндөр хадан хясаанд байгаа бүргэдийн үүрнээс дэгдээхэйг нь хэрхэн авч байгааг фото зургаар харуулъя. Киноноос нь зураг авсан тул бүдэгхэн гарч уучлаарай.

Б.Батмөнх