ЭРТНИЙ МОНГОЛД ХРИСТИЙН 

ШАШИН БАЙСАН УУ?

Энэ намар Дэл уруу дөрөө харшуулсан хүмүүсийн нэг нь ШУТИС-ын багш доктор О.Болормаа. Болормаа өчигдөр хэрэг болгон уулзаж манайд түүх, археологи, хадны зургийн чиглэлэээр хэдэн сайхан ном өглөө. Тэдгээрийн нэг нь “Төв Ази дахь христийн шашны түүхийн товч” гэсэн ном.

Христийн шашин монголчуудад ямар хамааралтай явж ирснийг археологийн дурсгал, түүхийн зарим сурвалжид үлдсэн байгаа зүйлд үндэслэн МЭӨ 7-р зуун буюу Түрэг Уйгарын үеэс эхлэн эдүгээ хүртэлх үеийг багтаан тоймлож судалсан сонирхолтой бүтээл байна. Номын редактор Түүхийн ШУ-ны доктор /Sh.D/, академич Ж.Болдбаатар судалгааны энэ номыг сайн ном болсон байна гээд “... зэрэг олон бүтээл туурвисан Болормаа сайн багш төдийгүй даацтай судлаач болохоо нотолж, Монголын түүх судлаачдын шинэ залуу халаа, итгэл даах эрдэмтэн болж байгаагаа энэхүү бүтээлээр харуулж байна” хэмээн дүгнэсэн байв.

Христийн шашин хүндэлдэг, шүтдэг, даган баясдаг хүмүүс энэ шашны түүх болоод христийн шашин манай Монголтой хэрхэн холбогдож ирснийг сонирхвол энэ номыг уншчихмаар юм байнадаа гэж бодогдов. Баян-Өлгийн Даянбаатарын хүн чулуу, Улаан толгойн хадны Сири бичиг, Баянхонгорын Дааган чулуу, Өмнөговийн Загалмайн хадны зураг, Дундговийн музейд байгаа хүрэл загалмай /Зураг дээр байгаа/ зэрэг сонирхолтой дурсгал олон байдаг юм байна.

Доктор О.Болормаагийн манайд өгсөн өөр нэг сонирхолтой ном нь түүний орчуулгын редактороор нь ажилласан “Эртний нүүдэлчдийн урлагийн дурсгал” хэмээх энэ бүтээл. Энэ ном нь 2011 онд Булган аймгаас олдсон түүхэнд маш ховорт тооцогдох нөгөө алдарт Шороон бумбагарын бунхант булшнаас олдсон ховор нандин зүйлийг үзүүлсэн өнгөт цомог. Энэ бунхнаас олон зуун түүхийн үнэт зүйл олдснын нэг нь 170 гаруй цэвэр алтан эдлэл, алтан зоос байжээ.

Баярлалаа Болороодоо, эрдмийн их ажилд нь их амжилт хүсье. 

2017-11-06