УУЛЫН ОРГИЛ ӨӨД ТЭМҮҮЛЭХ МОНГОЛ ЗАН

Утаанд хордсон уушги болон бие мах бодийг цэвэрлэх хамгийн сайн арга бол уулын цэвэр агаарт явган алхах гэж мэргэжлийнхэн зөвлөдөг. Пийшингийн хүхээнд байгаа мэт утаан дунд амьдардаг нийслэлчүүд утааны хордлогоо тайлан эрүүл мэндээ сайжруулах, стрессээ тайлж сэтгэлээ сэргэхээр олноороо нийлж ууланд алхцгаадаг болсон. Богд ууланд зөвхөн хагас бүтэн сайнд 4000-6000 хүн алхдаг гэсэн тоо гаргасан байдаг. Богд уулын аманд очсон машин нь багтахаа больсон тул 500 машины зогсоол барьж эхэлсэн /Зайсангийн нэг амны зургийг зориуд оруулав/. Байгальд нөлөөлөх сөрөг нөлөөг багасгахын тулд Богд уулан дээгүүр хэдэн арван км урт явган хүний зам тавих ажлаа эхэлсэн. Бэлээр нь алхах хэсэг байхад ихэнх нь оргил дээр нь гарах хүсэлтэй байдаг. Явганаар аялахад ганц нэгээрээ явснаас олуулаа явах нь илүү ач холбогдлолтой тул явган аялагчдыг клуб олноор байгуулагдсан. 

Уулын оргил дээр гарахын гайхамшгийг мэдэрсэн хүн илүү өндөр оргилыг хүсч эхэлдэг. Энэ бол угаасаа дээш тэмүүлдэг монгол хүний зан. Тэнгэрлэг монгол гэдгийн нэг агуулга нь тэнгэрлүү тэмүүлж ирсэнтэй холбоотой ч байж магад. Нутгийнхаа хамгийн өндөр овоон дээр гарч үзээгүй хөдөөний хүн байдаггүй. Тэд хамгийн өндөр уул хайрханаа шүтдэг, идээ будааныхаа дээжийг өргөж хүндэтгэл үзүүлдэг. Хотынхон ч уул овоогоо хүндэтгэх, уулруу тэмүүлэх хүсэл мөрөөдөлтэй болсон. Шинийн нэгний өглөө Зайсангийн баруун овоон дээр хэдэн зуун хүн гарч юу болдогийг бид мэднэ. Энэ бол ёс заншил, уламжлалаас гадна монгол хүний хүсэл мөрөөдөл. Уулын хамгийн өндөр оргилд гарч хийморио сэргээх нь монгол хүний унаган зан. 

Тэнгэрлүү тэмүүлдэг тэнгэрлэг монголчууд бол та бид. 

Б.Батмөнх

Уулын оргил дээр гарахын гайхамшгийг мэдэрсэн хүн илүү өндөр оргилыг хүсч эхэлдэг. Энэ бол угаасаа дээш тэмүүлдэг монгол хүний зан. Тэнгэрлэг монгол гэдгийн нэг агуулга нь тэнгэрлүү тэмүүлж ирсэнтэй холбоотой ч байж магад. Нутгийнхаа хамгийн өндөр овоон дээр гарч үзээгүй хөдөөний хүн байдаггүй. Тэд хамгийн өндөр уул хайрханаа шүтдэг, идээ будааныхаа дээжийг өргөж хүндэтгэл үзүүлдэг. Хотынхон ч уул овоогоо хүндэтгэх, уулруу тэмүүлэх хүсэл мөрөөдөлтэй болсон. Шинийн нэгний өглөө Зайсангийн баруун овоон дээр хэдэн зуун хүн гарч юу болдогийг бид мэднэ. Энэ бол ёс заншил, уламжлалаас гадна монгол хүний хүсэл мөрөөдөл. Уулын хамгийн өндөр оргилд гарч хийморио сэргээх нь монгол хүний унаган зан. 

Тэнгэрлүү тэмүүлдэг тэнгэрлэг монголчууд бол та бид. Б.Батмөнх