Говь нутгийн 20-р зууны нэрт морин хуурч Дундговь аймгийн Өлзийт сумын ахмад настан Ёндонгийн Нэргүйн “Хуурын түрлэг” морин хуурын тоглолт Монгол Улсын Хөдөлмөрийн баатар, Төрийн соёрхолт, Ардын жүжигчин Н.Норовбанзадын нэрэмжит Төв Халхын Дуулалт Жүжгийн театрт 2018 оны 04 сарын 20-нд болно.
Монголчуудын бренд болсон МОРИН ХУУР хэмээх хөгжмийг гайхалтай эзэмшээд олон арван бүтээл хөгжимдөн гадаад, дотоодод 50 гаруй жил тоглож яваа, говь нутгийн хээгүй нэгэн сайхан цөлх монгол эр хүний сонгодог жишээ болсон Нэргүй маань уран бүтээлийн ээлжит тоглолтоо хийх гэж байна.
Говь нутгийн ард түмний алдартай бүтээлүүдийн нэг "Цэцийн жонон" хэмээх морин хуурын бүтээлийг Нэргүй шиг тоглож чаддаг уран бүтээлч одоо хир төрөөгүй хэмээн судлаачид үздэг юм билээ. Тэр бол зүгээр л цэвэр ардын авъяастан. Гэхдээ тэр хуурдах ур чадвар, донж маяг, тайзан биеэ авч яваа байдал, үзэгчдийн анхаарлыг тоглож буй уран бүтээлрүүгээ хандуулах арга барилаараа бусдаас өвөрмөц нэгэн гэдгийг түүний тоглолтыг үзсэн хүн бүхэн мэднэ.
Ёндонгийн Нэргүй бол яах аргагүй манай Дэл, Хөнжил нутгийн соёлын биет бус өвийн өв тээгч нэгэн мөн билээ.
Нэргүйдээ амжилт хүсье.
Дэл уулын Бичээчийн Батмөнх
2018-04-14
Говь нутгийн ард түмний алдартай бүтээлүүдийн нэг "Цэцийн жонон" хэмээх морин хуурын бүтээлийг Нэргүй шиг тоглож чаддаг уран бүтээлч одоо хир төрөөгүй хэмээн судлаачид үздэг юм билээ. Тэр бол зүгээр л цэвэр ардын авъяастан. Гэхдээ тэр хуурдах ур чадвар, донж маяг, тайзан биеэ авч яваа байдал, үзэгчдийн анхаарлыг тоглож буй уран бүтээлрүүгээ хандуулах арга барилаараа бусдаас өвөрмөц нэгэн гэдгийг түүний тоглолтыг үзсэн хүн бүхэн мэднэ.
Ёндонгийн Нэргүй бол яах аргагүй манай Дэл, Хөнжил нутгийн соёлын биет бус өвийн өв тээгч нэгэн мөн билээ.
Нэргүйдээ амжилт хүсье.
Дэл уулын Бичээчийн Батмөнх
2018-04-14
No comments:
Post a Comment