ЭРДЭМТЭН МЭРГЭД 

ДЭЛ УУЛЫН ТУХАЙ

Манай дээд үеийнхэн дэлхийн хэмжээний агуу их өв соёл дээр төрж өсжээ. Иймээс бидний өвөг дээдэс ч, бидний үеийнхэн ч сайн сайхан явцгааж байгаа юм байна.
Ж.Эрдэнэбулган /Хуулийн ухааны доктор профессор, Дэл уулын унаган иргэн/

оооооооооооооооооо

Өнөөдрийн энэ үйл явдал бол зүгээр нэг музейн танхимын нээлт биш энэ гайхамшигт өв, соёлыг дэлхийд гаргах анхны шанг та бид таталцаж байна гэж үзэж байна.
Ж.Эрдэнэбулган

оооооооооооооооо

Дэл Хөнжилийнхөн болоод Дундговийнхон та нар бол түүхийн агуу үнэт зүйлийг хадгалж байгаа шүү.
Д.Сүхбаатар /Түүхийн ухааны доктор, гавьяат багш/

оооооооооооооооо

Дэл Хөнжил бол миний хоёр дахь нутаг. Энэ нутгийн хүн ард нь ч гайхалтай, байгаль нь ч гайхалтай, түүх соёл нь ч гайхалтай, Дэл уул бол Дундговийнхны бахархал шүү.
Ю.Болдбаатар /Түүхийн ухааны доктор, дэд профессор/

ооооооооооооооо

Дулам багшийн хийсэн энэ бүжгэн жүжгийг төрөлх Дэл ууланд нь, алдарт Цагаан суварга дээр, Их газрын чулууны задгай театрт тавьж болохгүй гэжүү Бат-Эрдэнэ даргаа том харж, том сэтгэвэл яасан юм бэ.
Ю.Болдбаатар

ооооооооооооо

Бүжгийн урлагийг хамгийн сонирхдог, дэлхийн урлаг соёлын хамгийн олон авьяастнуудтай Парисын их театрт тоглогдвол Дэл уулын хадны зураг дэлхийн тайзруу аврих болуу гэж төсөөлж, мөрөөдөж байна.
С.Дулам

оооооооооооо

Энэ гайхамшгийг бүтээсэн өвөг дээдэс, энэ түүх соёлын дурсгалыг хүндэтгэн хадгалж, хамгаалж ирсэн Дундговьчууд болон Дэл Хөнжилийнхөнд баярлалаа гэж хэлье.
С.Дулам

ооооооооооооо

Хас тэмдэг бүхий энэ чулуу энэ музейн, танай /Дундговь/ аймгийн, магадгүй Монголын түүх соёлын үнэтэй үзмэр, судалгааны чухал объект болно гэдэгт огт эргэлзэхгүй байна.
Л.Пүрэвдорж /зохиолч сэтгүүлч, генерал/

оооооооооооооо

Дэл уулын хадны зарим зургийн үйл явдал, хөдөлгөөнийг харж байхад бүхэл бүтэн романы үйл явдал харагдаж байнлээ.
Л.Пүрэвдорж