НЭГЭН ГАЙХАЛТАЙ НОМЫН ТУХАЙ

Хэд хоногийн өмнө хүү Золко маань дүү Золоодоо "Дори идэр дүүдээ" номын сүүлийн хувилбарыг авчирч өгөөд “Аав яг чиний насан дээр энэ номыг над авч өгсөн юм, миний өдий зэрэгтэй явахад их хэрэг болсон ном, заавал уншаарай, эхлээд уншихад заримыг нь ойлгохгүй 5 жил болоод дахиад уншихад үлдсэн хэсгийг нь ойлгодог юм” хэмээн захиж байгаа сонсдов.
Энэ номыг уншаагүй залуу хүн байвал манай хүүгийн хэлсний үнэн худлыг туршаад үзээрэй. 
Миний энэ постоос сэдэл аваад энэ номыг авч уншсан хүн эргээд надад баярлалаа гэж хэлнэ гэдэгт эргэлзэхгүй байна.
15 жилийн өмнө анх хэвлэгдсэн 4 дахиа хэвлэгдэж байгаа эрэлт хэрэгцээ ихтэй сайн ном.
Баабарыг рекламдаж байгаа юм биш, тэртэй тэргүй сүүлийн 25 жилд ном нь хамгийн олон зарагдсан хүн бол Баабар.
"Дори идэр дүүдээ"-г нь рекламдаж байгаа юм биш тэртэй тэргүй энэ ном цаашид дахин дахин хэвлэгдэнэ.
Мөрийн тавьсан ч алдахгүй сайн ном шүү залуус минь.
Б.Батмөнх